براندنغ شخصي للرؤساء التنفيذيين في العراق

خلّي الناس تعرفك بالشي اللي تعرفه.

نحوّل خبرة الرئيس التنفيذي إلى محتوى يثق بيه الناس: ريلز، كاروسيل، ولينكدإن. كل معلومة بمصدر.

دراسة حالة

آسر، الرئيس التنفيذي لوفرة.

هدفه يصير الاسم الأول بالعراق بالفواكه والخضار. هذي أرقام إنستغرام بأول 8 أشهر، بدون ولا مشاهدة ممولة.

4,567,497 مشاهدة لكاروسيل واحد

نصايح خزن الخضار والفواكه بالبيت. بدون تصوير وبدون مونتاج، بس معلومة مفيدة بشكل مرتب.

35,329

شخص حفظ نفس الكاروسيل حتى يرجعله.

18,071

متابع جديد من ريل واحد: ليش التوت المجمّد أحسن من الطازج.

3.8M

مشاهدة لأكثر ريل انشاف: يصحح خرافات الدايت المنتشرة.

المصدر: Meta Business Suite، من كانون الثاني إلى تشرين الأول 2026. شوف الحساب: @abulsoor

وقت الرئيس التنفيذي غالي. نحتاج منك جلسة بالأسبوع، والباقي علينا.

يوم تصوير واحد بالأسبوع
نجهّز السكربتات والمكان قبل ما توصل. إنت بس تحچي باللي تعرفه.
كل معلومة بمصدر
نراجع كل ادعاء علمي ونحفظ مصدره. سمعتك أهم من أي ترند.
ريلز وكاروسيل للناس
بلهجة الناس، وعن الشي اللي يهمهم: صحنهم، جيبهم، ومطبخهم.
لينكدإن للمستثمرين
منشورات تبني الثقة قبل الصفقة، وتعطيك حقك بالشغل اللي سويته.

قبل ما ينشر أي شي، نسأل سؤال واحد:

هل هذا يخلّي عميلنا يبين الشخص اللي يعرف مجاله أكثر من الكل؟

إذا الجواب مو "نعم" واضحة، ما ينشر.

الباكورة هي أول حصاد. وهذا شغلنا: الخبرة موجودة عندك من زمان، إحنا نطلعها حتى تصير أول شي يتذكره الناس من يفكرون بمجالك.

ندوّر على محررين فيديو يهتمون بالتفاصيل. دز لنا نماذج من شغلك.

أرسل شغلك

احجز مكالمة قصيرة. نحچي عن مجالك، وشنو ممكن نطلع منه.

بالواتساب: +964 773 103 1570